La empresa CIMC-Tianda Airport Services y l’alcaldesa d’Avilés participaron nel IV Alcuentru d’alcaldes/alcaldeses cola Innovación

La empresa CIMC-Tianda Airport Services y l’alcaldesa d’Avilés participaron nel IV Alcuentru d’alcaldes/alcaldeses cola Innovación que se celebrara esti martes, 1 d’ochobre, en Madrid. L’eventu pretendía axuntar a alcaldes, alcaldeses y a empreses locales que foron escoyíes en caúna de les ciudaes de la Rede Innpulso y ser un escaparate de promoción.

L’alcaldesa d’Avilés, Mariví Monteserín; el conceyal de Promoción Económica, Manuel Riola, y director xeneral de la empresa CIMC-Tianda Airport Services, Ángel  José Fernández, participaron esti martes 1 d’ochobre nel IV Alcuentru d’Alcaldes y Alcaldeses cola Innovación – Innpulso Entama, que se va celebrar en La Nave (C/ Cifuentes, 5, Madrid).

L’eventu, qu’añalmente promueve la Rede de Ciudaes de la Ciencia y l’Innovación (Rede Innpulso), pretendi ser un puntu d’alcuentru ente los alcaldes y alcaldeses de les ciudaes pertenecientes a la Rede y les pymes, micropymes y startups más innovadores de cada conceyu.

La empresa avilesina CIMC-Tianda Airport Services foi escoyida como la pyme más innovadora y por tanto representante d’Avilés nesti alcuentru, el pasáu 12 de setiembre por un comité técnicu. Nes anteriores ediciones les empreses avilesines merecedores del galardón fueron Domobility, Quiquilo y Quantobit.

L’eventu ta plantegáu como un escaparate de talentu, coles mires de promocionar a les pymes más innovadores de los conceyos y dotales de visibilidá pa facilitar el so accesu a mercaos potenciales y a inversores, potenciar l’intercambiu d’esperiencies na promoción y sofitu a la innovación dende l’alministración local, y xenerar un acercamientu a nivel nacional col sofitu del Ministeriu de Ciencia, Innovación y Universidaes.

Avilés forma parte dende va tiempu de la Rede Innpulso, compuesta poles 72 “Ciudaes de la Ciencia y l’Innovación”. Una distinción que reconoz a les ciudaes líderes que sofitaron inversiones n’infraestructures que favorezan la sostenibilidá económica y ameyoren el nuesu patrón de crecedera basada na conocencia y l’innovación.