La certificación n’asturianu va ser reconocida como formación permanente

La conseyera de Cultura, Política Llingüística y Turismu del Gobiernu asturianu, Berta Piñán, aseguró esta selmana que la Conseyería d’Educación va realizar el cambéu normativu que correspuenda pa reconocer como formación permanente la certificación en llingua asturiana de profesores.

Piñán contestaba nel Plenu de la Xunta Xeneral del Principáu d’Asturies a una entruga del diputáu de Podemos Rafael Palacios, quien se quexó de que esi profesoráu llograre la so certificación en pruebes del Marcu Européu de les Llingües en nivel B2 y que depués Educación nun-y lo reconociera como formación permanente.

Según Piñan, la situación va ser solucionada y va camudar y va facese, amás, con calter retroactivu. La conseyera esplicó que too se debía a un desaxuste normativu», porque’l decretu que s’aplicaba nun contempla dicha titulación.