La Casa de Cultura d’Avilés va acoyer 3 conciertos de la Sinfónica del Principáu

La Orquesta Sinfónica del Principáu d’Asturies torna un añu más a Avilés para ufiertar nel Auditoriu de la Casa de Cultura trés conciertos, dientro del ciclu Música n’Escena, de escenAvilés. Va Empezar esti xueves 17 de payares, con “Divertimento”, al que van siguir, yá en 2023 “Dances Sinfóniques”, el 23 de marzu, y “OSPA de Barganal, el 13 d’abril. Toos, a les 20.15 hores.

El preciu de les entraes ye de 18 euros y pueden adquirise na taquilla de la Casa de Cultura y na web https://uniticket.janto.es/palaciovaldes/

Para la cita de mañana, la OSPA va cuntar cola batuta de la moza directora italoturca Nil Venditti, estrecha collaboradora de la Filarmónica de los Países Baxos, la Orquesta Nacional del Capitoliu de Toulouse y el Ensemble Ancyra de Ankara.

Coles mesmes, nesti conciertu, va actuar como oboe solista’l valencianu Juan Ferriol, convidáu por numberoses orquestes europees ente les que s’atopen Rotterdam’s Chamber Orchestra, la Orquesta de Cadaqués o la European Community Chamber.  Y tamién va participar como convidada, al concertino, Mirabai Wesmehl.

Más información