La Banda de Gaites Villa de Xixón actúa n’El Llanu

La Banda de Gaites Villa de Xixón actúa esti31 d’agostu nel Parque de Los Periconos, al pie de la panera, en Ciares-El Llanu.

La Banda de Gaites Villa de Xixón crease nel añu 2000 por iniciativa de numberosos músicos integrantes de la Escuela de Música Tradicional Villa de Xixón y llevó la música tradicional asturiana dende Cimavilla hasta Nueva York, Francia, Portugal, Italia, Alemaña… amenizando y participando viviegamente en romeríes y fiestes nacionales ya internacionales.

Nos sos primeros pasos, la banda va creciendo en componentes, preseos y recursos, siendo la so primer actuación oficial nes fiestes de Cabueñes de 2000, a la que siguiríen una quincena más naquel mesmu branu.

De magar, actuaron en numberosos países y festivales, ente los que destaquen el Día d’Asturies en Grevenbroich (Alemaña), los festivales intercélticos de Guingamp y Guérande (Bretaña francesa) y Ortigueira (Galicia), llegando a participar nel Desfile de San Patriciu de Nueva York en 2005, 2006 y 2014. Son amás promotores del Festival Internacional de Bandes Villa de Xixón, qu’anguaño algama la so ventiava segunda edición.

Parque de Los Periconos, al pie de la panera, en Ciares-El Llanu

31 d’agostu de 2022 a les 20