Portada Política L’Academia de la Llingua Asturiana y el Conceyu de Carreño roblen un conveniu de collaboración

L’Academia de la Llingua Asturiana y el Conceyu de Carreño roblen un conveniu de collaboración

by asturnet

L’Academia de la Llingua Asturiana y el Conceyu de Carreño firmaron esti pasáu martes 22 de xunetu un conveniu de collaboración col envís de normalizar l’usu del asturianu nel Conceyu y col enfotu de trabayar pola promoción, espardimientu y dignificación del usu del asturianu nel so ámbitu y sobre manera nel de la so Alministración Local. Asina l’Academia va asesorar al mesmu, ente otres xeres, na rotulación de les dependencies y servicios municipales, na igua de la toponimia local y recoyida oral qu’esti Conceyu pela so parte tamién se comprometió en llevar alantre.

La firma contó cola presencia de Manuel Ángel Riego González, Alcalde de Carreño, y Ana María Cano González, Presidenta de l’Academia de la Llingua Asturiana, que roblaron esti documentu nun actu tuvo llugar a les 12:30 hores nel Salón de Plenos de la Casa Conceyu.

La firma d’esti conveniu de collaboración, informen dende l’ALLA, aprobóse por unanimidá de tolos grupos políticos del Conceyu en comisión de Cultura.

Tamién te podria gustar