Escéniques Juan Mayorga aporta fiel a la so cita col Teatru Palacio Valdés con “El Magu” by redacción asturnews 24 d'abril, 2019 written by redacción asturnews 24 d'abril, 2019 52 El dramaturgu y académicu de la llingua Juan Mayorga fai una incursión na comedia con un testu col que xuega a los equívocos, al misteriu y a la realidá aparente. Una obra coral qu’aporta esti vienres a Avilés protagonizada por Clara Sanchis, José Luis García-Pérez, Julia Piera, María Galiana, Tomás Pozzi y Ivana Heredia. ¿Pue un espectáculu de maxa alteriar la percepción de lo cotidiano n’una familia? ¿Ye la realidá tal que s’amuesa? ¿Ónde empieza la verdá y acaba la ilusión? Juan Mayorga robla y dirixe una comedia llena d’interrogantes filosóficos que se desencadenen tres l’asistencia d’una de les protagonistes a un espectáculu de maxa. Ye “El Magu”, una obra coral cola que’l dramaturgu y académicu de la llingua caltien la so fidelidá a Avilés y al Teatru Palacio Valdés, y que se va representar el vienres 26 d’abril a les 20.15 hores. Entá queden entraes disponibles, anque a puntu d’escosase, por cuenta de la gran espectación por ver a una repartida con seis actrices y actores comprometíos y veraces: Clara Sanchis, José Luis García-Pérez, Julia Piera, María Galiana, Tomás Pozzi y Ivana Heredia. Estrenada nel Teatru Abargane-Inclán del Centru Dramáticu Nacional en payares de 2018, públicu y crítica rindiéronse a esta incursión de Mayorga na comedia, tantu en Madrid, como dende l’entamu de la xira por toa España. Nadia (Clara Sanchis), asisti al espectáculu d’un prestidigitador, ¿pero ye ella la que torna a la so casa, al llar cola so familia, o sigue entá na sala onde foi hipnotizada? Este ye’l puntu de partida que tomó Juan Mayorga para “El Magu”. Él mesmu ponse al mandu de la dirección d’un testu que la so xénesis remontar a la so visita a un Congresu Mundial de Maxa, mientres el cual presentóse voluntariu a participar n’una sesión d’hipnosis. Xuntu al elencu, nesti espectáculu que producen el Centru Dramáticu Nacional, Avance Producciones Teatrales, Entrecajas Producciones Teatrales, y García-Pérez Producciones, Mayorga arrodióse de dalgunos de los profesionales técnicos más reputaos de la escena española, Curt Allen Wilmer na escenografía (que se configura como’l salón d’una casa d’aire burgués) y el vestuariu, Juan Gómez Escuernacabres nel llume y la música de Jordi Francés, qu’ayuda al aire misterioso qu’envolubra la trama. Una comedia que remite cola meyor tradición española del pasáu sieglu, de Jardiel Poncela a Edgar Neville o Miguel Mihura, coles cargues de fondura que siempres dexa Mayorga que solo un día dempués, el 27 d’abril, va dirixir a César Sarachu en “Intensamente Azules”, en Salar Club del Centru Niemeyer. Más información 0 FacebookTwitterPinterestEmail Anterior El Cuartetu de Cremona aporta al Xovellanos siguiente “El bon vistir de los asturianos” a alderique na Selmana del Folclore de La Pola Tamién te podria gustar Nun Tris abre les Xornaes del Festival Nel... Tatxers, Skabidean y la nueva escena musical Navarra... El Grupu de Teatro San Félix de Valdesoto... Los estudiantes de Primaria van averase al Teatru... La Estaya de la Llingua festexó’l Día Mundial... Dos muyeres nos marxes nel estrenu de la... Cirque du Soleil torna a Xixón con OVO... La zarzuela torna al Palaciu Valdés con “Yo... Lluz de Gas Teatru actúa en Llugones “En tierra estraña” ye la primer función accesible...