Jennifer López y Shakira van xunise pal conciertu del descansu de la Super Bowl

El descansu de la Super Bowl d’anguaño va cuntar con un nuevu espectacular conciertu a cuenta de dos artistes internacionales: Jennifer López y Shakira. “Dos reines per primer vegada xuntes nel escenariu más grande del mundu, sigún anunció en Twitter la firma Pepsi, principal patrocinador de la lliga de fútbol americano (NFL).

La final de la Super Bowl va tener llugar el próximu 2 de febreru de 2020 nel estadiu Hard Rock de Miami. Habíase rumoreado enforma con qu’el famosísimo conciertu del descansu correría a cuenta de Taylo Swift nesta edición, pero finalmente decidióse apostar por JLo y Shakira.

Tres l’anunciu oficial, les mesmes artistes colgaron una fotomontaxe nel qu’apaecen xuntes. La colombiana dixo que nun había “namás grande qu’esto” y reconoció tar bien emocionada pola oportunidá, ente que la neoyorkina optó por un contundente: “Vamos poner el mundu en llapaes”.

L’actuación del descansu del Super Bowl ye un auténticu acontecimientu mundial, qu’atrai tanta atención como’l partíu en sí y ye considerada como unu de los mayores eventos televisivos del planeta, con 98,9 millones de telespectadores solamente n’Estaos Xuníos.

En 2019, los encargaos del segmentu foron la banda Maroon 5, colos raperos Big Boi y Travis Scott. Enantes tuvieron nel escenariu Justin Timberlake (2018), presentar nesi escenariu Lady Gaga (2017), Coldplay (2016), Katy Perry (2015), Bruno Mars (2014) y Beyoncé (2013). Precediérenlos lleendes de la música como Michael Jackson, Madonna, The Rolling Stones o Prince, ente munchos otros.