Jazz nel Centru Xixón: Masa Kamaguchi

Esti miércoles 13 de xineru a les 20 hores y per primer vegada en «Jazz nel Centru», dedicase’l conciertu del mes a un únicu preséu, davezu destináu a acompañar:Masa Kamaguchi, contrabaxu.

Nada meyor pa ello que cuntar con unu de los sos intérpretes más personales. Nacíu en Xapón, Masa empezó a tocar el baxu eléctricu n’escuchando un discu de Jaco Pastorius. En 1985 empezó estudios d’inxeniería na universidá de Hosei (Tokyo), al empar que recibía clases de contrabaxu con Yoshio Ikeda, antiguu alumnu de Gary Peacock. Tres el so pasu pol prestixosu Berklee College of Music de Boston, Masa tocó y grabó con grandes figures del jazz como Toots Thielmans, Paul Motian, Dave Douglas, Joe Lovano, Pericu Sambeat o Billy Mintz. El so primer discu a solu foi publicáu fai a finales de 2014.