El documental del mes n’Uviéu: “Grecia: Reinventase pa sobrevivir”

Esti 13 de Xineru, nel Teatru Filarmónica, d’Uviéu  proyectarase a les 20 hores el Documental del Mes que va ser “Grecia: Reinventase pa sobrevivir”

Primero que la formación Syriza de Alexis Tsipras ganara les sos primeres elecciones, los antiguos ministru de finances y el primer ministru, Enángelos Venizelos y Antonis Samarás respectivamente, yeren el centru d’atención de los políticos europeos. Grecia quedárase ensin cash y víase abasnada a obedecer unes normes de los emprestadores alemanes qu’amenorgaben de forma considerable l’estáu del bienestar griego, el país que foi’l trubiecu de la democracia. Nesti contestu, la xente tuvo que faer lo imposible pa siguir viviendo de forma digna, Dalgunos atoparon un camín dando la vuelta a les coses y empezando dende cero, con unos nuevos patrones económicos.

Esti documental italianu de 2014 dirixíu pola guionista Elena Zervopoulou, presentanos trés protagonistes que son los que retraten unu de los momentos más duros de la hestoria recién de Grecia y, al empar, constitúin tres ejemplo d’una llucha pa un mundu distintu, basáu nunos parámetros que s’escapen de la lóxica abusiva del capital.

“Grecia: Reinventase pa sobrevivir” ye una semeya de la recesión griega al traviés de tres homes que deciden garrar les riendes del so destín pa camudalo. ¿Pue ser esta crisis una oportunidá de reinventanos a nós mesmos y como sociedá? Un documental onde Grecia podría ser cualquier país d’una Europa afarada pola crisis, onde la oportunidá d’una vida de cualidá esiste y ta fundamentalmente en manos de los mesmos ciudadanos.