Inaugurada la escultura de la Ruta de los Vinos n’Uviéu

L’Alcalde d’Uviéu y dellos conceyales inauguraron esta selmana  la escultura de la Ruta de los Vinos, obra de Kiko Urrusti al entamu de la cai Manuel Pedregal.

L’Alcalde d’Uviéu, Alfredo Canteli; el Primer Teniente d’Alcalde y conceyal d’Urbanismu, Nacho Cuesta; el conceyal de Turismu y Hostelería, Alfredo García Quintana y la responsable de Festexos, Cuadonga Díaz, asistieron esta selmana a la inauguración de la escultura de Kiko Urrusti na Ruta de los Vinos, al entamu de la cai Manuel Pedregal. Al actu, amenizado pela Real Banda de gaites Ciudad d’Uviéu, asistieron, ente otros, el mesmu artista y el presidente de la Ruta de los Vinos, Edén Jiménez.

L’Alcalde, qu’afayó la escultura xuntu a Urrusti, quixo estimar “a l’Asociación de la Ruta de los Vinos esti agasayu pa la ciudá D’Uviéu. Esta ye una zona referente na ciudá y l’oxetivu ye enllenar la ciudá de xente”. Agora “en fiestes y un añu delicáu como esti” Canteli quixo destacar “l’esfuerzu de la ciudadanía por ayudar, un respaldu terrible col qu’almiten qu’esos cambeos yeren necesarios. Enagora San Mateo ta trescurriendo ensin incidentes de considerancia”, aun así volvió apelar “a la responsabilidá por que, “ente toos, ayúdennos a qu’Uviéu siga creciendo.”

Urrusti esplicó que la obra, de 350 quilos y en chapa de fierro “fala por sigo sola, ye icónica y representa esa unión. Gracies por poder faer esto posible”.