Gonzalo Suárez protagoniza’l primer “Llunes de cine” del Teatru Filarónica

El Teatru Filarmónica d’Uviéu abre güei les puertes pal so ciclu “Llunes de cine”, organizáu pola Conceyalía de Cultura en collaboración cola Filmoteca d’Asturies. El primer pase va ser a les ocho y media la tarde y va tar protagonizáu pola película de1976, “Parranda”, de Gonzalo Suárez. La entrada ye de baldre hasta escosase l’aforu.

Enantes de la sesión, el director de la Filmoteca d’Asturies, Juan Bonifacio Lorenzo, va esponer una breve presentación como asesor de los ciclos. El pieslle d’esti ciclu va tar dedicáu al director José Luis Garci, cola proyección de tres de les sos películes nos tres últimos llunes del mes d’agostu: «Volver a empezar» (1982), «Sesión continua» (1984) y «Luz de domingo» (2007).