Francisco Mellén Blanco va falar de los venceyos familiares de Pedro Menéndez

Esti martes 5 de marzu a les 19.30 hores nel Centru de Servicios Universitarios, l’historiador Francisco Mellén Blanco va presentar la conferencia “Pedro Menéndez d’Avilés y la so relación xenealóxica con otros llinaxes asturianos”.

Entamada pola Asociación de Veteranos de l’Armada “Lepanto”, forma parte del programa de charres preparaes nos actos de conmemoración del quintu centenariu de la nacencia del marín. Los díes 14, 15 y 16 de marzu van tener llugar les Xornaes d’Hestoria Marítima qu’entama l’Institutu d’Hestoria y Cultura Naval de l’Armada

Francisco Mellén Blanco va ufiertar esti martes, día 5 de marzu, la conferencia “Pedro Menéndez d’Avilés y la so relación xenealóxica”, dientro del ciclu entamáu por cuenta de la celebración del quintu centenariu de la nacencia de Pedro Menéndez. La ponencia va tener llugar a les 19.30 hores nel Centru de Servicios Universitarios, en La Ferrería.

Tres el contestu históricu de la villa d’Avilés na dómina de la nacencia de Pedro Menéndez -al cargu de la Cronista Oficial d’Avilés, María Josefa Sanz Fuentes- y de la charra “La navegabilidad de la ría d’Avilés nel sieglu XVI”, pronunciada pol xeólogu Julio López Peláez, el ciclu de conferencies céntrase agora nes distintes vinculaciones familares del marín avilesín.

A lo llargo de la so conferencia, Francisco Mellén va presentar un estudiu xenealóxicu de la familia del Adelantráu y la relación de la mesma con otros llinaxes partíos por distintos puntos de la xeografía asturiana. La entrada a esti eventu ye llibre y gratuita hasta completar aforu.

La xestión y presentación de la conferencia cuerre nesti casu al cargu de la Asociación de Veteranos de l’Armada “Lepanto”, xuna de les entidaes avilesines arreyaes na organización del ciclu.

Más información