Facebook va xixilar el cumplimientu del confinamientu

El Gobiernu d’España trabaya colos operadores na puesta en marcha d’un sistema que dexe controlar de forma anonimizada el movimientu de les mases y asina controlar que se cumple coles restricciones de movilidá mientres la vixencia del estáu d’alarma.

Una de les mayores bases de datos del mundu ta en manos de Facebook. La rede social cuenta con más de 2.000 millones d’usuarios, que pueden responder de forma anónima a los movimientos de la sociedá.

Al traviés del programa Data for Good, la compañía de Mark Zuckerberg va ayudar a investigadores y organizaciones a informar sobro los movimientos de los sos usuarios pa combatir la pandemia de la Covid-19. Nun comunicáu, la compañía anunció la selmana pasada qu’añedió trés nuevos tipos de datos al so programa de datos pa espertos sanitarios, coles mires de «ayudar a informar los esfuerzos por predicir la enfermedá y por tomar midíes de prevención». Tratar de datos agregaos anonimizados pa protexer la privacidá de los usuarios.

«Los nuesos mapes de prevención d’enfermedaes son conxuntos agregaos d’información que el investigadores de salú pueden usar pa entender meyor cómo la dinámica de la población inflúi nel espardimientu de la enfermedá», apunta la rede social.

La nueva ferramienta de Facebook va dexar a investigadores conocer la probabilidá de que les persones d’una zona determinada tuvieren en contactu con otres, al traviés de patrones que s’usen pa predicir posibles andaes locales. Amás, la compañía arrexuntó un índiz de conexón social qu’amuesa’l grau d’amistaes de los usuarios d’una rexón que provienen d’otres zones o otros países, lo que puede ayudar a los epidemiólogos a discernir ónde ye más probable que s’espanda’l virus.

Poro, Facebook tamién recordó’l so compromisu cola privacidá. «Les nueses ferramientes de Data for Good tán diseñaes pa protexer la so información, y tenemos pautes públiques sobro cómo respondemos a les solicitúes de datos del gobiernu», recuerden. «Vamos Siguir siendo tresparentes sobro’l nuesu enfoque y vamos consultar colos responsables políticos, reguladores y otros espertos en privacidá sobro les nueses práctiques», añeden.