Esposición sobro’l Sáhara en Xixón: desiertu y esperanza

Una esposición sobro’l “Sáhara desiertu y esperanza” va tar abierta en Xixón, nel Centru de Cultura Antiguu Institutu hasta’l próximu 13 de marzu.

La esposición compuesta por fotografíes tomaes a lo llargo d’años, nos Campamentos de persones abelugaes en Tindouf, nel desiertu del Sáhara, por Nacho García Cosío, amuesa distintos aspeutos de la vida cotidiana de la población nel desiertu y el trabayu que dende 1990 realiza l’Asociación Médicos del Mundu, en salú maternu infantil, salú oftalmolóxica.

L’autor Nacho García, que como voluntariu participó coles comisiones médiques, amuésanos la resistencia del pueblu saharagüi tres más de 40 años y el sofitu al proyectu d’atención a les enfermedaes cróniques, que se realiza pola asociación para la meyora de los pacientes diabéticos ya hipertensos, la formación al personal de salú saharagüi y l’educación diabetológica de les/los pacientes.

Centru de Cultura Antiguu Institutu. Antepar 2ª planta, hasta’l 13 de marzu.
Organizador: Médicos del mundu