España tien yá más xente con estudios superiores que con ESO con Asturies de líder

España sumó nel 2020, per primer vegada na so hestoria, un mayor númberu de persones con estudios superiores remataos que solo con Educación Secundaria o menos: un 39, 7 % frente al 37,1 %. Y la comunidá autónoma líder nesta estadística foi Asturies.

Asina se reflexa na última edición del Sistema Estatal d’Indicadores de la Educación (2021), qu’axunta les principales estadístiques oficiales nesta materia, que destaca un gran cambéu nel nivel educativu de la población de 25 a 64 años dende l’añu 1992 hasta 2020.

Asina, la proporción de persones con estudios inferiores a la segunda etapa d’Educación Secundaria amenorgóse prácticamente a la metá (del 76 al 37,1 %); dóblase’l porcentaxe de persones con estudios de segunda etapa d’ESO (del 11,3 al 23,2 %) y triplícase para Educación Cimera (del 12,8 al 39,7 %). “En 2020, per primer vegada hai mayor porcentaxe de población adulta con Educación Cimera que con estudios inferiores a la segunda etapa d’Educación Secundaria”, sorraya la estadística.

Nos países de la Unión Europea en 2020, el 79 % de la población ente 25 y 64 años tien nivel de formación de segunda etapa d’Educación Secundaria o superior, lo que significa qu’España s’atopa 16,1 puntos per debaxo de felicidá media, “anque hai de considerase la so evolución y que pa la población de mayor edá, de 55 a 64 años, la distancia ye de 21,7 puntos”. El nivel de formación de la población adulta yexuna midida del capital humanu y del nivel de competencies de la población, polo xeneral, y de la población activasobremanera. L’analís d’esta variable educativa constata que les persones con niveles educativos más altos suelen tener meyor salú, mayor participación social y xunas tases d’empléu ya ingresos relativos más elevaos.

Acordies con esti estudiu, publicáu pol Ministeriu d’Educación y Formación Profesional, el 62,9 % de la población de 25 a 64 años terminó en 2020 siquier estudios de segunda etapa de Secundaria, amontándose hasta’l 71,7 % nel tramu de 25 a 34 años. Ente la población de 25 a 64 años, en cuanto al nivel máximu d’estudios alcanzáu, el 37,1 % tien estudios inferiores a la segunda etapa d’Educación Secundaria, el 23,2 % estudios de segunda etapa d’ESO y el 39,7 % completó estudios cimeros.

Les comunidaes autónomes colos mayores porcentaxes de persones con siquier estudios de segunda etapa de Secundaria, nos dos grupos d’edá, entama col Principáu d’Asturies (68,9 % y 80,6 % respectivamente), pa siguir depués Cantabria (67,7 % y 81,9 %), Comunidá de Madrid (75,9 % y 80,0 %), Comunidá Foral de Navarra (71,2 % y 80,7 %), y País Vascu (75,3 % y 82,0 %).

En relación al nivel de formación por sexu, el porcentaxe de muyeres con siquier estudios de segunda etapa de Secundaria ye mayor qu’el d’homes (65,9 % frente a 59,8 % pa la población de 25 a 64 años), siendo les diferencies más acusaes nel tramu de 25 a 34 años (77,1 % frente a 66,2 %), y especialmente nel nivel d’Educación Cimera, onde’l porcentaxe de muyeres supera al d’homes en 12,3 puntos porcentuales.