Ernesto Paredano llanza un nuevu discu, “Playa”

El compositor castrillonense Ernesto Paredano, residente na actualidá en Santu Domingo acaba de llanzar al mercáu un nuevu discu, esta vegada n’en formatu vinilu: “Playa” ta editáu pola discográfica berlinesa Resopal-Schallware Records conocida pola so busca persistente de música calidable.

L’asturianu Ernesto Paredano ye un artista “nel más puru sentíu de la palabra, y crea el so propiu soníu, coles mesmes que crea la so propia dinámica espansiva”, asina presenta la discográfica al autor d’esti trabayu que nel llau A contien el track Yuca, que trai “una folada de baxos tardiegos demientres surden dende embaxo crujientes xubíes d’estática, y escúchense ecos que llelden y acometen. La estructura 4/4 reforzar colos alloñaos puntos lluminosos de vocales baxos de tonu. En “Atea” un tecno baxu caltien el soníu orgánicu mientres los demás elementos axúntense alredor del so pesu antes de rematar”.

Los trés tracks nel EP de “Playa” podríen clasificase como deep tecno, pero cola abonda fuerza y melodía pa encender les pistes de baille. “Playa EP” ye’l primer llanzamientu en vinilu del artista y el númberu noventa y cuatro de la discográfica dende los sos entamos en 2002. Paredano recibió’l Premiu Oh 2013 a la meyor banda orixinal pola obra ·Los mios deos toquen los díes que pasen” de Quiquilimón Empobinada por Pablo Garnacho.