Entama la Conferencia Estratéxica “Xixón 2024: Tu decides el Xixón del futuru”

Esti xueves 18 de febreru celebrase nel Palaciu de Congresos de la Feria Muestres de Xixón la Conferencia Estratéxica sobre’l Plan Estratéxicu de Xixón 2024, pa analizar el diagnósticu ellaboráu y realizar aportaciones y propuestes a la estratexa a desenvolver.

La conferencia va tar estremada en dos partes: un bloque inicial de ponencies y un segundu bloque abiertu a la participación de tolos y toles asistentes, siguiendo una dinámica World Café. El bloque de ponencies va encetar, per una parte, el Diagnósticu de ciudá realizáu na fase 1, que los sos documentos yan poder consultase na web.

Amás, va presentase la propuesta de Visión pa la Ciudá nel horizonte del 2024, según los ámbitos y les llínees estratéxiques de desenvolvimientu del Plan Estratéxicu. Yá na segunda parte, la dinámica participativa va tar entamada en redol a 6 ámbitos estratéxicos qu’inclúin les siguientes temátiques:

•     Xixón Abierta – participación ciudadana, tresparencia y datos abiertos
•     Xixón Óptima – alministración dixital, servicios públicos intelixentes, smart city
•     Xixón Dinámica – sociedá de la conocencia, sistema local d’innovación, economía azul, competitividá, economía, mercáu de trabayu
•     Crecedera Intelixente – sector creativu, innovación social, tecnoloxíes dixitales, industria 4.0, nodo loxísticu
•     Crecedera Sostenible – movilidá, eficiencia enerxética, desenvolvimientu sostenible, economía circular
•     Crecedera Saludable – integración, igualdá, vida activa, estratexa turística, calidá de vida

Na dinámica pretenden oldease los oxetivos y les principales acciones estratéxiques propuestes pa caúna de les llínees estratéxiques del plan. Ye momentu d’aldericar, realizar propuestes ya identificar consensos, de cara a la formulación del Plan Estratéxicu de Xixón pal añu 2024.

A lo llargo de los próximos díes dirán esbillándose les propuestes de llínees, oxetivos y acciones estratéxiques de cada unu d’estos ámbitos sobre los que se va a aldericar na Conferencia. Tamién apurre la correspondiente documentación el día de la Conferencia pa facilitar les aportaciones al alderique.