El V Certame Nacional de Pintura Rápida ‘Ciudá d’Avilés’ va ser el 18 de xunu

La quinta edición del Certame Nacional de Pintura Rápida ‘Ciudá d’Avilés’ va tener llugar el sábadu 18 de xunu, enmarcada dientro del programa de la Nueche Blanco y convocao pola Fundación Municipal de Cultura cola cuenta de fomentar y aguiyar los valores artísticu y creativu. Les cais y places d’Avilés van ser de nuevu l’escenariu d’esti concursu que va cuntar con 2.000 euros en premios.

Concretamente, van concedese 1.000 euros al autor o autora de la obra que resulte ganadora del Primera Premio “Autoridá Portuaria d’Avilés”,  ente que’l Segundu Premio “Caxa Rural” va tar dotáu con 500 euros. Coles mesmes, van concedese cinco Accésits dotaos con 100 euros cada unu.

Les obres tendrán d’executase nel intre de la xornada del sábadu 18 de xunu na ciudá d’Avilés. Ente les 9 y les 11 hores va tener llugar el selláu y numberación de los soportes, daqué imprescindible una y bones nun se van almitir a concursu obres de candidatos que nun pasaren pol selláu.

La entrega de les obres va realizase nel Conceyu d’Avilés, a les 16 hores, y nun deben de tar roblaes. Aquelles que resulten premiaes van roblar nel momentu de la entrega del premiu.

La técnica va ser llibre y el soporte tendrá de ser ríxidu (llenzu, tabla…), pudiendo cuntar con una imprimación básica y tien de tener una midida minima de 80 cm por cualesquier de los sos llaos. Namá se va almitir un soporte por concursante. Cada artista tendrán de dir provistu del material necesario pa la realización de la so obra, incluyíu’l caballete que va amosar la obra pa la selección.

Más información