El Teatru Familiar torna a Los Canapés col estrenu absolutu de “Corococó”

Empieza un nuevu ciclu de programación escénica familiar qu’inclúi 11 actividaes nel mes de febreru y entama cola representación de la obra Corococó, un estrenu absolutu, al cargu de la compañía asturiana Guayominí Producciones S.L, esti vienres 26 de xineru a partir de les 18 hores.

El ciclu de Teatru Familiar sigue la so actividá en 2018 nel Centru de Los Canapés cola representación de la obra Corococó, un estrenu absolutu, al cargu de la compañía asturiana Guayominí Producciones S.L., que forma parte del Circuitu de les Artes Escéniques del Principáu d’Asturies y va representase nel teatru avilesín esti vienres 26 de xineru a partir de les 18 hores. La entrada ye gratuita, hasta completar l’aforu y ta dirixíu a públicu a partir de 5 años y familiar.

Les protagonistes de la hestoria son les bruxes Corococó, trés hermanes, caúna con una personalidá y unos poderes distintos, que viven nel Monte de los Cuentos. Un día la hermana mayor sume, y les otres dos pierden los sos poderes. El monte empieza a debilitase y precisen ayuda para resolver toos estos problemes. Pero un día piquen de la casa y tou empieza a camudar.

La obra ta escrita y empobinada por Marga Llano, con música orixinal d’Álvaro Bárcena y les actuaciones de Paula Mata, Arantxa Fernández Ramos y Marga Llano. Una de les peculiaridaes del montaxe ye que los cantares creaos para los trés personaxes encarnaríen, per un sitiu, los trés tesituras vocales femenines (soprano, mezzo y contraltu), y por otru, trés estilos de música distintos: pop, rock y cantar llírico. Trés protagonistes femenines nun universu de soníos, maxa y humor.

Guayominí Producciones S.L. ye una empresa escénica asturiana nueva que naz nel añu 2015, de la mano de Arantxa F. Ramos (Uviéu, 1976) y de Marga Llanu (Tinéu,1977) dambes con más de 15 años de trayectoria con grupos profesionales asturianos. Les producciones d’esta compañía suelen tar dedicaes a la infancia y a la mocedá con especial dedicación al públicu familiar.

Programación escénica familiar febreru 2018

Amás del estrenu de mañana vienres, la programación escénica del Conceyu d’Avilés para públicu familiar ya infantil ye la siguiente:

Teatru Familiar

Vienres 23 de febreru a les 18.00 hores.

Teatru Centro de Los Canapés

Representación de “To” al cargu de la compañía Teatru Plus. Públicu a partir de 5 años y familiar. Dientro del Circuitu de les Artes Escéniques del Principáu d’Asturies.

Cuentacuentos infantiles

Sesiones preferentemente para públicu infantil ente 4 y 9 años, al cargu de la compañía Tragaluz Títeres, que va representar “Cuenteando”.

14 de febreru, miércoles.18.00 hores. Biblioteca de La Lluz

16 de febreru, vienres. 18.00.hores. Centru de Los Canapés

21 de febreru, miércoles.18.00 hores. Biblioteca de La Carriona

23 de febreru, vienres. 18.00. hores. Biblioteca Bance Candamo

Talleres  infantiles d’Animación a la Llectura

Empobinaos a un públicu ente 4 y 8 años y realizaos pola compañía “El Gatu Turulatu”.

21 de febreru, miércoles. 18.00 hores. Biblioteca de La Lluz

15 de febreru, xueves. 18.00 hores. Centru de Los Canapés

28 de febreru, miércoles. 18.00 hores .Biblioteca de La Carriona

18 de febreru, domingu. 12.00 hores.  Biblioteca Bance Candamo

Bebecuentos

Sábadu 17 de febreru a les 12.00 hores.

Biblioteca Bance Candamo.

Al cargu de la compañía Elisabet Martín Teatru, que va representar “Los nuesos cuentos 2”. Pa públicu ente 6 meses y 3 años. Places llindaes: máximu 15 ñácaros acompañaos namá por un adultu. Inscripciones na sala infantil de la Biblioteca Bárganos Candamo.

Música na Biblio

Martes 27 de febreru a les 18.00 hores.

Biblioteca Bance Candamo. Sala Infantil

Alumnáu de cuerda y vientu del Conservatorio Municipal Profesional Julián Orbón va interpretar pieces pa dar a conocer los diversos preseos al traviés d’un curtiu y amenu repertoriu. Empobináu a públicu ente los  5 y 8 años.