El PP ufre agora diálogu al PSOE pa torgar el pautu con IX-BA-LV

El presidente del PP d’Asturies, Ovidio Sánchez, fizo esti día una ufierta al Gobiernu y a la FSA-PSOE pa apautar l’aprobación d’unos presupuestos rexonales pal 2009 que “contribuyan a rebaxar les consecuencies de la crisis económica”. Trataríase, según les sos propies pallabres d’unes conversaciones “ensin nenguna condición previa”, según el PP.

Sánchez llanzó esa ufierta a los socialistes nuna rueda prensa ofrecida na Xunta Xeneral del Principáu d’Asturies , na que tuvo acompañáu polos diputaos rexonales Ramón García Cañal y Alejandra Cuétara.