El Muséu d’Avilés programa 4 talleres navidiegos gratuitos pa neños y neñes

El Muséu d’Avilés programa 4 talleres navidiegos gratuitos pa neños y neñes ente 5 y 12 años que lleven por títulu “RecilArte navidiegu” y “L’árbol de los deseos”. La inscripción  ye gratuita nel mesmu muséu o na dirección de corréu electrónicu museodeavilesaviles.es.

Como n’años anteriores, el Muséu de la Hestoria Urbana d’Avilés entama una serie de talleres gratuitos pa neños y neñes mientres les vacaciones navidiegues.

Los díes 26 d’avientu y 2 de xineru impartirá’l denomináu “Reciclate Navidiegu” nel que los participantes van realizar un mural colos principales monumentos d’Avilés y van crear un xuguete a partir de materiales reciclaos.

El segundu taller lleva por títulu “L’Árbol de los deseos” y va tener llugar en dos sesiones, los díes 28 d’avientu y 4 de xineru. Un gran árbol dibuxáu polos participantes y mázcares ellaboraes a partir de les de los Caños de San Francisco van ser los protagonistes del mesmu.

Tolos talleres son pa neñes y neños ente 5 y 12 años. La inscripción, que ye gratuita, puede realizase nel Muséu de la Hestoria Urbana d’Avilés o na dirección de corréu electrónicu museodeavilesaviles.es. El númberu de places  pa caúna de les sesiones ye de 21.