Portada Conceyos El monarca Alfonso II, el Primer pelegrín, “partía” esta fin de selmana dende Uviéu a Santiago de Compostela

El monarca Alfonso II, el Primer pelegrín, “partía” esta fin de selmana dende Uviéu a Santiago de Compostela

by redacción asturnews

Uviéu retornaba al medievu esta fin de selmana al celebrar la segunda edición de “Alfonso II, el primera pelegrín”, un programa de conciertos, mercaos, teatru, talleres y actividaes infantiles cola escenificación per parte d’un grupu d’actores empobinaos por Marga Llanu y encabezaos por Ramón Langa- sobro los preparativos y la salida del monarca Alfonso II escontra tierres gallegues, como actu central.

Pa la ocasión, la plaza de la Catedral  conviértese nuna ciudá del sieglu IX de la mano de grupos de recreación de toa España: La Guardia, Signum Temporis, Cavalliers de Urrea, Mesnada Castellana, Otsolur, Nobiscun Deus, Regnum Castellae, Mercenarios del Tiempu, Iparreco Aunac y La Forxa. Tamién van tar ambientadas La Corrada del Obispu, la cai Ecce Homo, la plaza del Paragües o la del Conceyu.

L’actor Ramón Langa, conocíu por ser la voz habitual en castellán de Bruce Willis o Kevin Costner, ponse na piel del rei asturianu mientres la recreación histórica d’esta fin de selmana. Esti sábadu, a les 22 hores, na plaza de la Catedral, va entamar el viaxe escontra tierres gallegues, onde s’afayó’l sepulcru del Apóstol Santiago’l Mayor. El viaxe va tar llaráu d’hestories, traición y fé, xuna recreación teatral na que’l públicu va conocer la hestoria del primer pelegrín del Camín Primitivu a Compostela.

El domingu, a les 12 del mediudía, Langa, acompañáu d’una banda de gaites va convocar a los fieles na plaza de la Catedral y va acompañalos hasta la del Conceyu, onde’l Rei va despidir de la ciudá y va entamar el so camín.

El programa completu puede consultase na páxina www.elprimerperegrino.com, web na que yá tán abiertes les inscripciones pa participar en dalgún de los talleres.

Tamién te podria gustar