Portada Conceyos La esposición ‘De la escuridá a la llume’ abre nel Centru d’Arte Rupestre de Tito Bustillo

La esposición ‘De la escuridá a la llume’ abre nel Centru d’Arte Rupestre de Tito Bustillo

by redacción asturnews

El Centru d’Arte Rupestre Tito Bustillo y  el Muséu Arqueolóxicu d’Asturies proponen esti mes y hasta la fin d’añu, sigún la temática, una ruta pola Prehistoria y la Hestoria al traviés de l’amuesa de materiales qu’apaecieron nos yacimientos del Oriente asturianu.

Dende los almacenes del Muséu Arqueolóxicu d’Asturies van viaxar hasta’l Centru Pedrete Bustillo materiales arqueolóxicos, con delles pieces inédites y nunca espuestes, que van dexar al públicu ver preseos que sirvieron para cazar, otros para pescar, coser, afatase… y qu’enseñen cómo yera la vida nel Paleolíticu. Pero tamién van viaxar materiales de la Edá de Fierro y dómina romana.

L’amuesa De la escuridá a la llume cuenta con paneles informativos sobro les principales cueves de la contorna y les escavaciones arqueolóxiques realizaes na zona y va camudar de manera periódica’l conteníu de les vitrines y los recursu que lu acompañen pa encetar distintes temátiques:

  • Arte mueble. Hasta’l 15 d’agostu.
  • Vistíu, adornos y colgantes. Del 17 d’agostu al 16 d’ochobre.
  • ¿Y dempués del Paleolíticu…? Del Mesolíticu a la romanización. Del 19 d’ochobre al 30 d’avientu.

La esposición completase con numberoses actividaes pa tolos públicos que van ayudar a afondar en cada pieza o colección. Asina, va haber actividaes familiares, conferencies, talleres especializaos, cursos… que van arriquecer la visita al Centru d’Arte Rupestre y a esta amuesa.

Más información

Tamién te podria gustar