Portada Fiestes El Misteriu aporta a la FeLiX esti sábadu

El Misteriu aporta a la FeLiX esti sábadu

by redacción asturnews

Esti añu la FeLiX quier poner a prueba l’inxeniu de les y los sos participantes, entamando un particular xuegu d’escape: Misteriu na FeLiX. Una maleta imposible d’abrir, un secretu nel so interior y trenta minutos de tiempu pa resolvelu, componen un xuegu que va desenvolvese na mañana del sábadu.

Nesti xuegu, les y los xugadores habrán trabayar n’equipu, coordinando les sos habilidaes y capacidaes pa superar los distintos enigmes que se plantegarán y algamar, d’esta miente, la solución pa l’aventura enantes de qu’acabe’l tiempu.

Un xuegu d’ escape pa descubrir un misteriosu secretu. Coordina Sergio Buelga. Pa neños y neñes de 8 a 12 años.
Duración: 2 pases de 45 minutos (10 xugadores per equipu)

Escuela de Comerciu
Cuando: 19 de xunu de 2021 a les 11:30 y a les 12:30

Tamién te podria gustar