El ministeriu Educacion va apurrir 3.500 equipos informáticos en xineru

El Ministeriu d’Educación va distribuyir 3.500 equipos informáticos a los centros asturianos dientro del conveniu Rede, dotáu con 1,7 millones d’euros nel casu del Principáu, pero esos equipos nun van aportar a Asturies hasta l’añu que vien.

Según esplicó ayeri la conseyera, Carmen Suárez, nel so alcuentru telemáticu con directores de Primaria de Llangréu, Mieres y Xixón na distribución de dichos dispositivos van tener preferencia «los alumnos de Secundaria», una y bones el Principáu axustó que’l cursu sía semipresencial a partir de terceru de la ESO. Agora bien, alvirtió que, por falta de stock, «van llegar en xineru o en febreru». Nun ye l’únicu anunciu que fixo. Tamién apuntó que finalmente los centros van poder cuntar cola so xornada habitual, la que teníen antes del estáu d’alarma y decidida poles sos respectives comunidaes escolares. Nes sos instrucciones d’entamu de cursu publicaes el 31 de xunetu- recoyía que, nel casu de los centros públicos, tenía de ser continua. Nos alcordaos, tres una trabayosa negociación, decidióse que pudieren siguir cola xornada partida quien asina la tuviera.

Ésti va ser una de los cambeos que va faer Educación sobro dichu documentu, pero tamién va haber extraescolares, unes actividaes pa les que se ta diseñando un protocolu específicu que se va dar a conocer nos próximos díes.  Pela mañana hubo una mesa sectorial d’Educación, que se saldó con crítiques per parte de los sindicatos.