El Garrapiellu punxo’l ñacimientu na ilesia vieya de La Collá (Siero)

Esti domingu 20 d’avientu, la Tertulia Cultural El Garrapiellu aconceyó con bien de socios y collacios na ilesia vieya de La Collá, nel conceyu de Siero pa, como yá ye vezu, d’esta asociación, colocor el Ñacimientu nes ruines del templu d’esta parroquia sierense.

Nel texu milenariu, asitiáu a la vera la ilesia, fizose una danza prima col enfotu de reivindicar esti árbol sagráu de los antiguos habitantes d’Asturies, entá se puen atopar estos árboles apegaos a bien de llugares relixosos.

Con esta cita l’asociación quier tamién facer un llamáu sobre’l “llamentable estáu d’abandonu y escaecimientu que sufre’l patrimoniu asturianu”.