La Guerra Civil protagoniza una esposición n’El Coto

”Sufrir la guerra, buscar abellugu” ye’l nome la esposición inaugurada esti xueves 3 de payares dientro les Xornaes historia con memoria Xixón 2022 y que va poer visitase hasta’l 9 d’avientu na Sala d’Esposiciones del CMI El Cotu.

La esposición consta de 50 paneles que recueyen les microbiografías de persones y families que tuvieron que buscar abelugu fora d’España y 6 paneles tipo roll-up onde se describe la vida so les bombes mientres la guerra, la evacuación dende Asturies y la vida nel esiliu.

El carecimientu d’una población civil sometida a constantes violencies, a bombardeos, a la fame, al dolor, merez ser recordáu. Unes 70.000 persones viéronse obligaes a salir d’Asturies en 1937, per mar, buscando abelugu y ayuda.

Poner nome y cara a delles d’elles, la mayoría anónimu y escaecíu, ye un xestu oportunu para honrar la so memoria.

Esposición creada pol Grupu Eleuterio Quintanilla

Sala d’Esposiciones del CMI El Cotu, del 03 de payares al 09 d’avientu de 2022
Del 3 de payares de 2022 al 9 d’avientu de 2022

Información completa sobro la esposición: ENLLAZ