El Drogues, Asfalto y Burning van tar nel I festival Tony Urbano de Tarragona

Enrique Villarreal, “El Drogues”, y los grupos Asfalto y Burning van actuar el 25 de marzu na Tarraco Arena Plaza (TAP) nel I festival Tony Urbano, n’alcordanza del tarraconense que foi baxista de Tochu, informa Zero Producciones.

La Tarraco Arena Plaça (TAP) va acoyer el 25 de marzu próximu “unu de los proyectos más especiales que podría entamase na ciudá de Tarragona, el I Festival Tony Urbano, un eventu con un cartelu de luxu, que xune’l calter solidariu y l’entusiasmu de tar entamáu dende Tarragona pa Tarragona, cola fin de celebrar la vida y obra d’una de les figures esenciales na hestoria del rock estatal y d’unu de los tarraconenses más célebres nos últimos tiempos”, sigún esta promotora.

Artistes de la talla de El Drogues, Asfaltu y Burning van ser los encargaos d’encabezar el cartelu d’esta primer edición del festival n’homenaxe a Tony Urbano. A ellos, van xunise los locales Maneres de Vivir y un quintu grupu procedente d’un concursu de bandes que va tener llugar nel mes de xineru na Sala Zero de Tarragona.

El festival, va tener amás calter solidariu, una y bones un euru de cada entrada va destinase a la Lliga contra’l Càncer. Les localidaes tarán disponibles dende 25 euros na web de la Sala Zero y de manera física nes tiendes de discos de Tarragona y Reus, amás d’en la mesma Sala Zero y nes taquilles de la TAP.