Portada Conceyos El conflictu ucranianu protagonizó l’entamu de los II Alcuentros Cincuenter

El conflictu ucranianu protagonizó l’entamu de los II Alcuentros Cincuenter

by redacción asturnews

El presidente de la Fundación Municipal de Cultura, José Luis Costillas Gutiérrez, inauguró esta selmana pasada la esposición fotográfica qu’alluga l’Arquivu Históricu d’Asturies por cuenta de los II Alcuentros Cincuenter.

L’amuesa, compuesta por instantánees de la fotoperiodista Paula Bronstein y comisariada pola tamién fotógrafa Beatriz Montes, amuesa les dificultaes que vive diariamente la población Ucraniana, especialmente les muyeres “cincuenter”. Ente les imaxes, xuna vieya qu’hai de percorrer 80 km cada selmana pa recibir el so tratamientu médicu, madres rotes pol dolor nos funerales de los sos fíos o güeles consolando a los sos nietos adolescentes que yá visten l’uniforme de soldáu.

Una mala realidá que foi reflexada, siguiendo l’espíritu d’estos alcuentros que dirixe Yolanda Llobu, por dos muyeres “cincuenter”: Paula Bronstein, conocida fotoperiodista que sigue na zona del  conflictu y Beatriz Montes, fotógrafa y comisaria de la esposición, que yá puede visitase nes instalaciones del Arquivu Históricu d’Asturies. Escenariu qu’allugaó, según recordó la so directora, Concepción Parés, el  restu d’actividaes de los alcuentros tres el gran ésitu de la primer edición.

Tamién te podria gustar