El Círculu Lliberal decide abandonar el Conceyu Abiertu pola Oficialidá

El Círculu Lliberal d’Asturies anunció l’abandonu del Conceyu Abiertu pola Oficialidá por mor d’una xunta xeneral d’esta organización, celebrada’l 7 de febreru, a la que según los lliberales “nun s’invitó al Círculu”.

Sicasí, el CL reconoz que “yá va unos meses cuasimente un terciu de los afiliaos pidiera que l’asociación reconsiderare la so presencia nel CAO pola mor del nivel de parcialidá política d’esta plataforma”, énte la que Gonzali pidiere “un tiempu de reflexón”.

Agora, él mesmu “metanes una durísima intervención” pidió un nuevu marcu pa proyectar la xera pola dignificación del asturianu y abandonar el CAO.