Portada Lliteratura Marisa López Diz espubliza un nuevu llibru infantil en gallego-asturianu

Marisa López Diz espubliza un nuevu llibru infantil en gallego-asturianu

by asturnet

La escritora n’asturianu y gallego-asturianu, Marisa López Diz, ta acabante espublizar un llibru nesta última llingua “Binoca”, una publicación infantil editada por Pintar Pintar en tapes dures y con ilustraciones de Tina García, que debuta como ilustradora profesional con esti trabayu.

La hestoria de Binaco ye la d’un neñu qu’atopa nun llibru vieyu a un personaxe máxicu que va llevalu a un mundu llenu d’aventures onde va descubrir lo importantes que puen llegar a ser l’amistá y la xenerosidá.

Marisa López Diz tien dellos títulos n’asturianu pal públicu infantil como Poemes de carambelu, que ta espublizáu tamién como discu, y en gallego-asturianu espublizó’l poemariu A terra esqueicida (Trabe, 2008), amás de ganar nuna ocasión el premiu Xeiras de narraciones curties nesta llingua. Sicasí, esta ye la primer publicación infantil en gallego-asturianu qu’asoleya esta polifacética autora, voz tamién, del grupu Mestura.

Tamién te podria gustar