El ciclo de cine documental Líderes Sociales llega el lunes al Filarmónica

La Filarmónica va acoyer a lo llargo d’esti mes el ciclu de cine Líderes Sociales, nel que se van proyectar trés documentales nos que se narra la hestoria de los fundadores de les ONGs SAUCE, Sorrises de Bombay y AYMY Los Neños d’Haití: Kike Figareo, Jaume Sanllorente y Lucía Lantero, respectivamente.

Trés españoles que, por trabayu o vacaciones, visitaron distintos puntos del planeta: Camboya, Bombay y Haití onde s’atoparon situaciones tan dramátiques que-yos fixeron replantegar se totalmente la so vida, dexalo tou para intentar camudar eses realidaes.

El primer documental, que se va proyectar esti llunes 8 de payares, tien por títulu “Misión en Battambang. Tres los pasos de Kike Figareo”, nel que se narra la hestoria de cinco neños camboyanos: Toi, Sameth, Pailou Wanari y Sokmali que sufrieron les feríes de la mines antipersonas, l’horror del día ente día nos vertideros de basura, l’alcoholismu o la falta d’educación. Tres la proyección celebrará un coloquiu con Javier Álvarez-Cienfuegos, presidente de la ONG SAUCE y el biógrafu de Kike Figareo, el sociólogu y escritor José María Rodríguez Olaizola.

El día 15 vamos poder ver el documental “Sorrises con Futuru” nel que se narra les realidaes más atanantes nes que viven les comunidaes menos favorecíes de la ciudá de Bombay y cómo trabaya la ONG del mesmu nome, fundada por Jaume Sanllorente, para fae-yos frente. Al traviés d’hestories como les de Nisha, Dhanashree y Usha van dar a conocer los proyectos impulsaos pola organización por que los neños y neñes de Bombay puedan tener una vida digna llueñe de la esplotación llaboral y sexual.

“Los fíos de Lucía” va pesllar el ciclu de cine’l día 22 de payares, cola hestoria de la Fundación AYMY, una organización qu’acueye a más de 50 neños en Ansé a Pitres, al sur d’Haití que surdió fai 10 años para ameyorar les condiciones de vida de los neños víctimes de la esplotación sexual

Toles proyecciones, a les que podrá aportase de forma llibre hasta completar aforu, van empezar a les 20:00 hores. Darréu van celebrase coloquios, siendo la entrada gratuito y llibre hasta completar aforu.