El CEEI premia les empreses tecnolóxiques

El CEEI convoca’l décimu premiu empobináu a les empreses de base tecnolóxica, premiando les iniciatives de tresferencia de conocencia al mercáu en forma de nuevos productos y servicios.

Dende’l Centru Européu d’Empreses ya Innovación (CEEI) d’Asturies convoquen el X Premiu al Meyor Proyectu Empresarial de Base Tecnolóxica, patrocináu pol IDEPA, Bancu SabadellHerrero, Caxa Rural, La Caixa y Liberbank, asina como’l l’IX Concursu de Patentes y Modelos d’Utilidá d’Asturies, patrocináu pol IDEPA, la Fundación PRODINTEC y la empresa GARRIGUES.

Esta convocatoria premia les iniciatives de tresferencia de conocencia al mercáu en forma de nuevos productos y servicios, yá sía al traviés de la creación de nueves empreses o de la protección de resultancies d’investigación. Los premios tienen una dotación de 10.000 y 5.000 euros respectivamente y el plazu de presentación de candidatures remata’l 15 d’ochobre de 2015 a les 12 hores pa dambos.