Educación refuga la vuelta a un modelu presencial pa tolos alumnos

La conseyera d’Educación, Carmen Suárez, manifestó esti martes nel plenu que la crisis ta gobernando les nueses vides dende va un añu y nun hai un área qu’escape a los sos problemes, pero sicasí refugó la visión catastrófica que dende dellos grupos facer de la situación educativa de la rexón.

La conseyera tuvo que rindir cuentes na Cámara sobro la xestión d’Educación derivada de la covid 19 yá que foi apellada dende IX, sobro la xestión polo xeneral y preguntada por Ciudadanos y PP sobro aspeutos mas concretos.

Nesti sentíu aportunó en que la conseyería que dirixe nun toma decisiones arbitraries, sinón que ye’l Gobiernu nel so conxuntu quien coordina les midíes pa lluchar contra la pandemia dende tolos ámbitos.

Carmen Suárez indicó que dende l’ámbitu educativu tán cumpliéndose toles midíes a «rajatabla» y repasó les cifres tocantes a númberu d’alumnos per aula, distancies y demás aspeutos rellacionaos coles midíes anticovid establecíes pal ámbitu educativu.