Educación ellabora un plan cuatrienal de meyora de los centros docentes

La conseyera d’Educación, Carmen Suárez, anunció esta selmana pasada na Xunta Xeneral qu’el so departamentu trabaya nun plan cuatrienal 2020-2023 d’actuaciones n’infraestructures educatives que tien como oxetivu dar solución a los defectos esistentes nos 400 centros educativos de la rede pública asturiana.

Ente les más urxentes que s’atopen la renovación de cubiertes (1,7 millones d’euros), meyores n’accesibilidá (3,5 millones) y l’ampliación d’espacios (3 millones), actuaciones a les que se suman 50 millones d’euros pa los nuevos centros docentes de La Fresneda, La Florida, Rei Pelayo, La Corredoria, Latores y Nuevu Fregadures. Tamién anunció inversiones por 1,7 millones d’euros pa la meyora d’instalaciones deportives en colexos y trés millones más p’ameyorar les instalaciones eléctriques. La conseyera apuntó amás que se ta empezando a ellaborar una nueva propuesta de rede de centros.