“Disculpe, caballero”, una revisión de Cervantes por Zig Zag Danza nel Xovellanos

Esti domingo 24 de xineru a les 20,30 hores nel Teatru Xovellanos de Xixón, el coleutivu Zif Zag Danza presenta “Disculpe caballero” un espectáculu sobre la realidá y la ilusión colos personaxes de Cervantes como referencia.

“¿Son ilusiones, realidá, o quiciabes una mera ilusión?”, preguntase dende Zig Zag Danza. Disculpe, caballero plantega esti dilema sirviéndose de los personaxes que Miguel de Cervantes inmortalizara na so obra maestra universal, El Quixote. “Realidá o ilusión tomen forma na nuesa cabeza y condicionen la visión del mundu que nos arrodia”.

Partiendo de la idega de desdoblamientu, esta propuesta enceta los personaxes dende una doble posición: cada unu d’ellos ye interpretáu por un baillarín/baillarina y por un actor actriz. Esti planteamientu empasta a la perfección cola dualidá de los personaxes de Cervantes: “el mundu real y l’ideal, quién somos y quién queremos o podemos ser”.

Ye ésta la segunda collaboración de Ramón Oller con Zig Zag Danza, tres Pan d’Ángel. El director y coreógrafu catalán, Premiu Nacional de Danza en 1994, realizó coreografíes pa la Compañía Nacional de Danza, Ballet Nacional d’España, Ballet de Cristina Fuexos o’l Ballet Hispánicu de Nueva York, ente otres munches compañíes por escenarios de too el mundu. Zig Zag Dancia tien una sólida trayectoria artística, con más de diez años d’esistencia y quince producciones na so haber.