Portada Escéniques Cultura abre’l periodu d’incorporación de producciones al Catálogu de l’Actividá Escénica Asturiana

Cultura abre’l periodu d’incorporación de producciones al Catálogu de l’Actividá Escénica Asturiana

by redacción asturnews

La Conseyería de Cultura, Política Llingüística y Turismu publica la llista d’espectáculos almitíos y escluyíos nel Catálogu de l’Actividá escénica asturiana de calter profesional correspondiente al segundu periodu del añu 2021 y da en l’apertura del primer periodu añal del añu 2022 d’incorporación de producciones escéniques al mesmu.

Van poder formar parte d’esti catálogu producciones escéniques de compañíes y empreses escéniques aniciaes n’Asturies, pertenecientes a los ámbitos de la danza, teatru, circu, maxa, teatru d’oxetos y títeres, que tendrán d’inscribise nun plazu de diez díes naturales a partir del día d’entrada a valir del resolvimientu publicáu nel BOPA Nº 203 del xueves 21 d’ochobre de 2021 al traviés de la web http://panel.asturiesculturaenrede.es

Nel casu de los espectáculos que yá tean incorporaos, nun ye necesaria la so incorporación, formando parte del catálogu en socesives convocatories que se abrir.

Los espectáculos inscritos nel catálogu pueden retirase del mesmu en cualquier momentu, previa solicitú por escritu del titular de la producción escénica a la dirección xeneral competente en materia de promoción cultural.

La Conseyería va tomar esti catálogu como base para la programación del Circuitu d’Artes Escéniques del programa Asturies, Cultura en Rede.

Consultar tola información y les bases completes de la convocatoria equí.

Descargar l’Anexu III

Tamién te podria gustar