Convocáu’l Concursu de xarrés del Antroxu de Xixón 2023

El Conceyu de Xixón, al traviés de Divertia Xixón SA, Área de Festexos promueve otru añu más el Concursu de xarrés del Antroxu col enfotu de aguiyar la participación del pueblu xixonés nel Antroxu xixonés asumiendo la plena significación d’esti como fiesta tradicionalmente participativa, lúdica y satírica.

El XXXIV CONCURSU DE XARRÉS DEL ANTROXU 2023 va celebrase en Xixón el llunes 20 de febreru de 2023, dende les 19h dientro del Desfile d’ Antroxu, acordies con les siguientes bases:

Van Poder participar toos aquellos grupos, asociaciones y entidaes que la soliciten.

La inscripción n’una de les categoríes esclúi la participación del mesmu grupu en cualesquier de les demás.

Encamiéntase lleer atentamente les bases antes de rellenar el formulariu.

Si nun se deseya participar nel concursu, pero si participar nel desfile ye imprescindible unviar igualmente’l formulariu, indicando n’Observaciones: Fora de concursu.

Bases del concursu de xarrés 2023
Formulariu d’inscripción pal concursu de carroces
Documento de compromisu de cumplimientu de la bases del concursu.
Modelu d’autorización de menores.