Convocase’l XX Premiu Patac pa trabayos lliterarios o d’investigación

Esti martes 14 de xunetu vieno acabante de convocase la ventiava edición del Premio “Padre Patac” pa trabayos lliterarios o d’investigación que traten sobre historia, xenealoxía, heráldica, bibliografía o archivística asturianes. El Premiu va tener una dotación de dos mil euros (2.000 €) y va poder partise ente dos obres si’l Xuráu losconsiderase oportuno.

Coles mesmes va poder quedar ermu si a xuiciu del Xuráu la calidá de los testos que se presenten asi aconseyar, ello de conformidá a establecer nes bases.

El premiu va ser concedíu acordies con los principios d’oxetividá, tresparencia, igualdá, non discriminación y publicidá, por aciu el procedimientu de concurrencia competitiva.

Los trabayos van presentase o van unviase nun sobre zarráu na Oficina del Rexistru Xeneral Central ya Información del Principáu d’Asturies, sita nel Edificiu Alministrativu de Servicios Múltiples (EASMU), c/ Coronel Aranda 2, Llanta plaza, CP 33005 Uviéu, na see de la Fundación Municipal de Cultura, Educación y Universidá Popular del Conceyu de Xixón, o al traviés de cualesquier de los medios establecíos nel artículu 38.4 de la Llei 30/1992, de 26 de noviembre, de Réxime Xurídicu de les Alministraciones Públiques y del Procedimientu Alministrativu, acompañaos d’un escritu onde figure la siguiente inscripción: Premio “Padre Patac”, faciendo constar el títulu de la obra y el seudónimu del autor.

L’últimu día pa presentar los orixinales va ser el 15 d’agostu de 2015. Los trabayos escritos en castellán o asturianu, van haber de presentase en dos sobres zarraos. En cada unu va escribise Premio Padre Patac, añu de la convocatoria, el títulu de la obra y el seudónimu.

El Serviciu de Promoción Cultural dependiente de la Viceconsejería de Cultura y Deporte, de la Conseyería d’Educación, Cultura y Deporte va constituyise como órganu instructor y va proponer la designación del Xuráu. Falláu’l premiu ya incorporáu l’acta al espediente, va alzase la oportuna propuesta de resolvimientu pol órganu instructor, siendo resueltu’l procedimientu por resolvimientu de la Conseyería competente en materia de cultura.