Convocaes les Subvenciones 2016 n’Avilés a entidaes culturales con 90.500 euros

Na convocatoria de 2015 el Conceyu d’Avilés, concedió subvenciones a 27 entidaes y asociaciones ensin ánimu d’arriquecimientu de la ciudá pal desenvolvimientu d’otros tantos 23 proyectos relativos a actividaes culturales y creatives y vieno acabante convocar les d’esti añu que van sumar más de noventa mil euros.

Ente los proyectos subvencionaos l’añu pasáu atópense’l programa añal de conciertos de la Sociedá Filarmónica Avilesina, la XIV Selmana d’Arte Contemporaneo “AlNorte”, actividaes del Grupu Filatélicu Avilesín, los festivales AstuRisas y Sol Celta, el Certame Coral Villa d’Avilés, el XIX Festival Intercélticu y proyectos llevaos a cabu por diversos colectivos rellacionaos col Añu Carreño Miranda, ente otres.

A les subvenciones convocaes agora van poer presentase les solicitúes hasta’l 28 de xunetu nos Rexistros del Conceyu d’Avilés allugaos nel Serviciu d’Atención Ciudadana, en Plaza d’España, y nel  Centru de Servicios Municipales “El Focu” (Avenida Santa Apolonia, 126) o por cualesquier de los medios previstos  nes bases de la convocatoria.

Les bases reguladores de   la convocatoria oxeto d’esti anunciu publicáronse nelTablón  d’Edictos municipal. Tán a disposición  de quien  pueda interesar en www.aviles.es y en www.avilescultura.com, nes dependencies de la Conceyalía convocante, na Casa de la Cultura y  nel Serviciu d’Atención Ciudadana (SAC).

Desglose per llínea:

Llínea 1: 25.500 euros. Importe máximu de subvención per proyectu: 5.000 euros.

Creaciones nel campu de les artes plástiques, artes interdisciplinares y multimedia: teatru, música, danza, fotografía, lliteratura, audiovisual, pintura, restauración patrimonial.
Actividaes de calter cultural y creativu acordes a los fines de la entidá solicitante y que fomenten una actividá pública o d’interés social o que promocionen una finalidá pública.

Llínea 2: 45.000 euros. Importe máximu de subvención per proyectu: 15.000 euros.

Cultura y música tradicional asturiana.
Certames Corales.

Llínea 3: 20.000 euros. Importe máximu de subvención per proyectu: 14.000 euros.