Convocaes les llistes d’interinos cola esclusión de l’alcordada de los fondos como conflictu

Esti llunes vienon acabante convocase les llistes d’interinos pal cursu que vien cola esclusión de l’alcordada de los fondos estraordinarios como conflictu fonderu nuna fin de cursu escolar del que nun hai más qu’incertidumes.

El plan del Principáu d’Asturies pa tornar a les aules en septiembre y la so decisión de destinar tolos fondos estraordinarios a la enseñanza pública volvió poner de pies de guerra a la escuela alcordada esta selmana pasada. La vieya batalla enfóscase y tou apunta a que va rematar en movilizaciones na cai o nos tribunales.

La conseyera d’Educación, Carmen Suárez, yá salió en defensa de la decisión del Executivu rexonal y darréu facíalo’l presidente del Principáu, quien aseguró na Xunta Xeneral que nun tien nada en contra de la enseñanza alcordada pero que nos correspuende xestionar la rede pública».

Los titulares de los colexos alcordaos dexaron claro que nun se van a quedar de brazos cruzaos, los padres de dicha rede amenaciaron colos tribunales y ayeri tamién lo fixo’l PP. Pela so parte, Vox acusó al Principáu de «despreciar y abandonar» a 30.000 alumnos.

Esti llunes abríase’l plazu pales llistes d’interinos d’infantil, primaria y secundaria ensin que seya aparente una mayor contratación de profesoráu como paez necesario pa desenvolver una situación tan esceicional como la que demanda’l distanciamientu social en ciertes edaes.