Escéniques Boni Ortiz: “Falta una política integral pal teatru, funciona too a base d’ocurrencies” by asturnet 22 de febreru, 2005 written by asturnet 22 de febreru, 2005 Falta una política integral pa da-y impulsu al teatru fechu n’Asturies, básicamente porque “too funciona a base d’ocurrencies”. L’autor y críticu Boni Ortiz, que mañana presenta l’Anuariu del Teatru Asturianu correspondiente a 2004, defende esa afirmación y acusa a les instituciones a da-yos cada vez más la espalda a les artes dramátiques y suxier, ente otres midíes, l’acercamientu del teatru a les escueles y la so promoción fuera’l Principáu. El primer y “gran” responsable, asegura Ortiz, ye’l Gobiernu autonómicu, por nun poner enriba la mesa un plan xeneral específicu pal teatru nin evitar que la promoción teatral acaben asumiéndola “reinos de taifas”, n’alusión a l’ausencia d’una acción centralizada dende’l propiu Principáu. Pesie a too, esa falta de sofitu institucional que recrimina l’autor del Anuariu’l Teatru nun estranguló la vitalidá de les compañíes, qu’en 2004 llevaron a escena “meyores montaxes”. Nel testu que Boni Ortiz presentará mañana al públicu en Xixón, nel marcu de la Feria Europea de Teatru pa Neños, cífrense en 1.100 el total de les funciones teatrales que les sales y teatros asturianos acoyeron a lo llargo del añu pasáu, tanto de compañíes del Principáu como foriates, y menciónense los esfuercios “cotidianos” de dellos grupos por da-y puxu a les representaciones en llingua asturiana. Nesti capítulu, Ortiz llama a que’l teatru n’asturianu complete’l “camín de dignificación” que yá recorrió’l teatru en llingua castellana, de mou que “nun sonen a chino autores clásicos tornaos al asturianu” y se sigan los pasos yá entamaos, ente otres entidaes dramátiques, poles compañíes Margen, Telón de Fondo, Nun Tris y otros grupos especializaos nel públicu infantil. 0 FacebookTwitterPinterestEmail Anterior Cinco realizadores de cine dan vida a la poesía d’otros tantos autores asturianos siguiente Cultura aumenta hasta los 35.000 euros la partida pa becar la creación d’obres lliteraries en castellán Tamién te podria gustar El Grupu de Teatro San Félix de Valdesoto... Los estudiantes de Primaria van averase al Teatru... La Estaya de la Llingua festexó’l Día Mundial... Dos muyeres nos marxes nel estrenu de la... Cirque du Soleil torna a Xixón con OVO... La zarzuela torna al Palaciu Valdés con “Yo... Lluz de Gas Teatru actúa en Llugones “En tierra estraña” ye la primer función accesible... Cirque du Soleil representará en Xixón OVO pal... La escena fai “GUAU” nel Xovellanos