Avilés programa más talleres pa cuidadores de familiares dependientes

El Conceyu d’Avilés programa más talleres formativos pa persones cuidadores de familiares dependientes con un programa nel que cada taller va tener ocho selmanes de duración y va constar d’unes venti places cada unu, entamando’l 12 y el 14 de febreru, con horariu de martes o xueves de 10:30 a 12:30 hores.

El Conceyu d’Avilés, en collaboración cola Área Sanitaria III, entama talleres formativos para persones que curien de dalgún familiar en situación de dependencia. Los talleres tán estremaos en dos grupos y van tener llugar per una parte nel Centru d’Asociaciones del Arbolón los martes de 10:30 a 12:30 hores, con entamu’l 12 de febreru; y por otra, na Unidá de Trabayu Social Marcos del Torniello los xueves de 10:30 a 12:30, con entamu’l 14 de febreru.

Los talleres van tratar de los siguientes puntos:

• Técniques p’ameyorar los cuidos básicos.
• Ampliar recursos personales y habilidaes del cuidador.
• Xestión de les emociones acomuñaes a la carga mental que supon curiar a una persona enferma.
• Compartir vivencies con otres persones en situaciones similares.
• Conocer los recursos de sofitu nel barriu de cada cuidador.

Cada taller va tener ocho selmanes de duración y consta d’unes venti places cada unu, nos cualos van formase llistes d’espera para llamar pa posibles nueves places o informar de posteriores talleres.

Esiste la posibilidá de sofitu municipal, al traviés del Serviciu d’Ayuda a Casa, por que’l cuidu d’una persona dependiente nun sía una torga a la de participar nel taller.

Les inscripciones pueden formalizase presencialmente tantu nel Centru Municipal de Servicios Sociales de la cai Galiana 11 (persones de contactu: Nuria Rodríguez o Carolina Fernández), como nos cuatro centros de zona de los servicios sociales municipales: Zona 1 Centru de Servicios Municipales El Focu (C/Santa Apolonia, 126); Zona 2 La Madalena (C/ Hermanos Espolita, 10); Zona 3 Centru – El Arbolón  (Avenida Xixón, 3) y Zona 4 Sabugo (C/Marcos del Torniello, 34 baxu). L’horariu ye de llunes a vienres de 8:00 a 15:00 hores.

Más  información nel teléfonu 985 54 92 25.