Asturmitomania pieslla en Lieres el ciclu de representaciones pelos Colexos d’Asturies

El grupu teatral Asturmitomanía finó esti vienres en Lieres cola representación de la obra de Mari Luz Pontón “Vamos contar un cuentu” la programación d’actividaes d’apoyu a la enseñanza de la llingua asturiana que vienen desendolcando les Conseyeries de Cultura y Educación dende l’entamar del cursu pelos colexos d’Asturies.

La representación tuvo llugar nel Casino de Mieres y los rapacinos del Colexu Públicu enllenaron el Salón d’Actos dende les 12 del mediu día participando activamente d’una representación enforma prestosa que-yos amuesa a los neños la importancia de los seres mitolóxicos nel contestu de la cultura asturianu, emplegándolos pa que deprendan el significau de frases feches y alocuciones calterístiques de la llingua de nueso.