Portada Política Asturies pierde un millón d’euros cada llexislatura

Asturies pierde un millón d’euros cada llexislatura

by asturnet

Nuna respuesta del Gobiernu al diputáu d’ERC nel Congresu, Joan Tardá, afitase qu’Asturies perdió y pierde en cada llexislatura cási un millón d’euros que l’Estau destinaría a la l’Academia de la Llingua si hubiere oficialidá.

El Gobiernu destinó en total 8,5 millones a les Academies de Llingües cooficiales dende’l 2004, cola institución catalana como la más beneficada con cásique cinco millones. L’Institut d’Estudis Catalans, l’Academia de la Llingua Vasca-Euskaltzaindia, y la Real Academia Galega repartiéronse esos 8,42 millones d’euros.

Hasta’l 2006 les trés Academies recibíen dineru estatal per mediu de sovenciones, pero, de magar esta fecha les instituciones catalana y vasca entamaron a algamar fondos con cargu a los Presupuestos Xenerales del Estáu

L’Institut d’Estudis Catalans algamó 4,94 millones d’euros, el 58,75 por cientu del fondu destináu a les Academies,Euskaltzaindia, recibió 2,65 millones d’euros y l’Academia gallega 820.192 euros.

El Gobiernu dedicó-y a la Real Academia Española un total de 22,2 millones nos Presupuestos Xenerales y 1,2 millones en sovenciones por gastos.

Tamién te podria gustar