Asturies, Galicia y Castiella y Llión apurren idees pal Pactu Educativu

Los conseyeros d’Educación d’Asturies, Galicia y Castiella y Llión -Genaro Alonso, Román Rodríguez y Fernando Rei- aconceyaron esta fin de selmana en Llión nel primer alcuentru que caltienen les trés comunidaes pa poner de mancomún les sos polítiques educatives.

La idea ye sentar les bases d’un Pactu Educativu, que “dea estabilidá al sistema, yá que agora mesmu ta faltu d’esa estabilidá llegal”. Alonso considera que l’alcuerdu puede desenvolvese en “un tiempu prudencial para, dempués, evalualo y ameyoralo. Les lleis orgániques pueden tener perfectamente una vixencia de venti o trenta años. Nun podemos camudales cada pocu tiempu”.