Arturo Fernández algama’l premiu GAVA d’Honor 2018

L’actor asturianu Arturo Fernández, fíu adoptivu d’Uviéu, va recibir anguaño’l premiu GAVA d’Honor 2018 pola so dilatada carrera, tal como desvelaron esta selmana pasada la presidenta de l’Asociación-Clúster de la Industria Creativo, Cultural y Audiovisual d’Asturies (ACICCA), Marga Llano, y el vicepresidente d’esta entidá, Daniel González.

N’activo nel mundu del cine dende 1958 hasta 1990, tamién foi bien destacable la so relevancia nel teatru y la televisión. “Ye una persona qu’almiramos bien de”, declaró la presidenta sobro l’actor, al que se tien “muncho ciñu” na so tierra y que trabayó con dalgunos de los directores y actores más consagraos d’esti país. La gala d’entrega de los premios celebrarase’l próximu día 3 de mayu, nel Teatru Campoamor, a les 20 hores.

Amás d’anunciar el premiu d’honor que se va conceder na so edición 2018, los representantes de ACICCA aprovecharon p’adelantrar cuálos van ser los nomes de los profesionales y entidaes finalistes nes 18 categoríes de les que va constar anguaño’l festival, d’ente los 338 candidatos. Ente los nomaos que van optar al galardón, dalgunos de talla nacional ya internacional. destaquen Sergio G. Sánchez, nomáu pola so cinta “El secretu de Marrowbone” nes categoríes de meyor película de ficción, meyor dirección de cine y meyor guión de cine; Samu Fuentes, rival directu de Sánchez nes mesmes trés categoríes por Baxu la piel de llobu”; o la obra Mosaicu de Soníos”, d’Ánxeles Muñiz. Tamién hai delles cares conocíes como la presentadora de “Pueblos”, Sonia Fidalgo; David Arango de “Espaciu Meteo” en “Más vale tarde”, de la Sesta; o l’artista Blanca Romero.

La presentación sirvió amás p’anunciar la celebración d’otros eventos y actividaes programaes nel marcu de la Selmana Audiovisual mientres los díes 2, 3 y 4 de mayu. Na Turria de la Eria va celebrase xuna xornada técnica, audiovisual y cultural; xuna cena-homenaxes nel hotel Les Caldes; y un alcuentru profesional por concretar, respectivamente.