Andecha Astur participa nes xornaes de trabayu del Parlamentu Européu

Andecha Astur, xunto coles formaciones polítiques que conformen “Los Pueblos Deciden”, Puyalón de Cuchas y Alternativa Nacionalista Canaria, participaren xunto col eurodiputáu Josu Juaristi nunes xornaes de trabayu desendolcaes esti miércoles y xueves nel Parllamentu Européu.

Neses xornaes hebio aconceyamientos seutoriales con miembros del Parllamentu y de la Comisión Europea, asina comu con espertos y representantes del movimientu asociativu a nivel européu, en temes tan estremaos comu les polítiques del augua y el suelu, enerxíes anovables, agricultura y soberanía alimenaria, polítiques de cohesión, tresporte marítimu (especialmente la llinia Xixón-Saint Nazaire) o l’alcuerdu de Schengen.

Asina mesmo entamárense sendes conferencies: la primera alrodiu de la fracturación hidráulica nel contestu européu, onde estremaos organismos contrarios al fracking, y un portavos de la Direición Xeneral de Mediu Ambiente de la Comisión Europea pudieren aldericar sobro les consecuencies qu’acarreta esta téunica d’estraición.