Alcuentru del Conseyu Local de Neñes y Neños d’Uviéu

El Conseyu Local de Neñes y Neños d’Uviéu axuntóse na Plaza Trascorrales.
Un total de 40 neños y neñes asistieron en representación de les 35.000 persones menores de 18 años d’Uviéu.

La plaza de Trascorrales acoyó l’últimu alcuentru de los  escolares que formen  parte del Conseyu Local de Neñes y Neños d’Uviéu; alcuentru nel que 40 menores van asistir representando a les 35.000 persones menores de 18 años  qu’habiten nel conceyu uvieín. L’oxetivu, nesta ocasión, ye faer un diagnósticu de la ciudá por que darréu puedan poner en marcha remanes de meyora sobro la mesma.

A lo llargo de los meses d’abril y mayu llevaranse a cabu talleres preparatorios nos que se trabayó con  640 escolares de 5º y 6º de primaria pertenecientes a 20 colexos uvieinos. Nesta ocasión l’oxetivu foi que los participantes fixeren un autu exame de la so responsabilidá y diérense cuenta de too lo que pueden faer directamente p’ayudar a ameyorar la ciudá. El Conceyu apuesta por un conceutu de participación infantil onde l’alumnáu pueda axuntase pa faer pidimientos y que esti espaciu de participación nun caya nel enclín de que participar ye namá pidir o esixir, y fomente ente les nueves xeneraciones de ciudadanía un conceutu de participación ciudadana, onde’l neñu y la neña sían los protagonistes. “Queremos neños y neñes qu’apriendan a participar nel modelu de sociedá del bienestar” añede la Concejala.

Frutu d’estos talleres, ellaboráronse unos materiales audiovisuales nos que neños y neñes dan respuesta al encargu del so Conceyu en formatos lúdicos y creativos, siempres apostando por respetar les sos formes d’espresión. Estos vídeos tán agospiaos na cuenta de youtube de l’Asociación Partycipa y nel espaciu web del conseyu na web del Conceyu.