Adele vuelve coronase nos Grammy

La cantante británica Adele llevóse los cinco premios Grammy a los qu’aspiraba, onde rellumen con lluz propio’l de meyor álbum del añu por ‘25’, meyor grabación del añu y meyor cantar, dambos pola tema ‘Hello’.

“Gracies a toos dende lo más fondo del mio corazón”, dixo l’artista, visiblemente emocionada sobre l’escenariu del Staples Center, de Los Ánxeles (California), que sicasí quixo dedicar el premiu a Beyoncé, a quien consideró merecedora del galardón de meyor álbum del añu.

Los otros dos Grammy que se llevó la británica fueron los de meyor actuación pop en solitariu por ‘Hello’ y meyor álbum vocal pop tradicional pol mentáu ‘25’. Anque nun foi la única artista nacida en tierres ingleses galardonada con dellos premios. David Bowie, fináu en xineru de 2016, foi premiáu con otros cinco estauínes.